Մեր մասին

«Հայաէրոնավիգացիա» ՓԲ Ընկերությունը իրավաբանական անձի կարգավիճակ և 100 % պետական բաժնեմաս ունեցող առևտրային կազմակերպություն է, որն իրականացնում է Հայաստանի Հանրապետության օդային տարածքում («Երևան» թռիչքատեղեկատվական շրջան) աէրոնավիգացիոն սպասարկման գործառույթները:

Այն  իր մեջ ներառում է`

• Օդային Երթևեկության Կազմակերպում (ՕԵԿզ) 

- Օդային Երթևեկության Սպասարկում (ՕԵՍ)

• Օդային Երթևեկության Կառավարում (ՕԵԿ)

- Օդային Տարածքի Կառավարում (ՕՏԿ)

-Օդային Երթևեկության Հոսքերի Կառավարում (ՕԵՀԿ)

 • Թռիչքների տեխնիկական ապահովում՝

- ԿԱՊ

- ՆԱՎԻԳԱՑԻԱ

- ԴԻՏԱՐԿՈՒՄ  

• Աերոնավիգացիոն Տեղեկատվության Սպասարկում/Կառավարում

Ընկերությունը hիմնադրվել է 1997թ. «Զվարթնոց» օդանավակայանից համապատասխան ծառայություններն առանձնացնելու ճանապարհով: 2003թ-ից Ընկերությանն են փոխանցվել նաև ազգային մյուս քաղաքացիական օդանավակայանների համապատասխան ծառայությունները: Իր հիմնադրման օրից Ընկերությունը նպատակային և հետևողական քայլեր է կատարում Քաղաքացիական Ավիացիայի Միջազգային Կազմակերպության (ԻԿԱՕ) և Եվրոպական Աէրոնավիգացիայի Անվտանգության Գործակալության (ԵՎՐՈԿՈՆՏՐՈԼ) պահանջներին համապատասխան գործունեություն ծավալելու և միջազգային սահմանված չափորոշիչներին ու առաջարկվող գործելաձևերին համապատասխանելու ուղղությամբ: